Tentang Kami
Rental Motor Bandung
Harge sewa motor di kita, mureh-mureh nii! Kagak percaye? Nyok simak di mari yak jangan sampe keliwatan. Et dah ntar dulu, sebelum kita bahas soal harge, mimin mo kenalin dulu nih ape itu RMB. RMB singkatannye dari Rental Motor Bandung. Kita ntu jasa penyewaan motor buat keliling kota, kerjaan, atau liburan elu pade. Nyang dari luar kote maen ke Bandung kagak bawe kendaraan tapi kudu kesane kemari, kagak useh bingung tinggal sewa di mari dah.
Dari namanye udah ketebak kan kalo kita ada di Bandung. Iye bener, kita saleh satu pelopor rental motor di kota kembang. Selain itu juge, kita udeh buka di Semarang. Jadi udeh tau kan sekarang?? Eh iye, soal harge, kita mulein dari 60 ribuan aje! Kagak percaye? Tanye aje mimin yeee.
Harge terjangkau kagak buat kantong kering dah
Jase kita udeh termasuk helm ame jas hujan, aman dahhh
Motor kita sehat-sehat yak udeh pasti terawat, kagak useh takut mogok dijalan
kita nyewain motor harian, mingguan, bulanan.. tinggal pilih dahh
Unit kita bejibun, kagak useh takut kehabisan yakk..tapi jangan kebanyakan mikir juge ntar keburu ma nyang laen, nyesel dahh
Jangkauan Se-Abreg
Selain di Bandung, kita juga udeh buka di Semarang. Rencananye kita mo buka di kota-kota lain juga yee, tunggu aje buat lu pade yang mo ngelancong keluar kota Bandung dan Semarang, kita bakalan hadir.
Syarat Sewa Motor
Persyaratan mudah banget dah, cukup simpen identitas lu pade, isi formulir ama biodata, bayar kontan di muke, jangan lupe, lu kudu punye nyang namanye sim C yee, abis ntu kita foto dah biar masuk ke data kita
Sewa Kapan Aje
Nyewa motor di mari kagak usah worry keabisan unit pas lu mo nyewa di hari/tanggal nyang lu mau, sebab unit kita bejibun. Lu mo nyewa dadakan juge kita mah siap, nyang penting janjian dulu ma kita lewat call center WA yee
Ketentuan
Kalo udah nyewa, jangan ampe telat balikin yee, kesian nyang laen mo make. Make motornye jangan dipakse buat geber-geber yee, kesian motornye cape. Kalo parkir juge jangan sembarang ye. Nah kalo jalanan banjir, jangan lu terobos yee, kesian ntar kedinginan ntu motor. Jage dan rawat motor kita selama lu pake yee biar ntar lu nyewa lagi motor tetep fit, apalagi kalo ampe digade, sedih dah kita.
Sekilas Kita
Rental Motor Bandung udeh berdiri sejak 2015. Awalnye kita buka di daerah jawa sono khususnye di kota Semarang. Wong sono si udeh pasti kenal ma kita dahhh. Kalo di Bandung kita udeh buka dari kapan taun yakk, kire-kire 2 taunan dahh. Kagak pake banyakin mikir, kita gercep nambahin unit motor biar ente pade bisa ngerasain pake motor kita yang udeh pasti kerawat. Motor nyang udeh dipake konsumen kita, langsung kita preksa dan dicuci ampe dedek nye keluar biar kinclong kayek semule. Nyok dah kalo ente pade penasaran, buruan cobain sewa motor di kita yeee.
“Kendarai kebebasanmu dengan nyaman dan kualitas terbaik. Praktis, murah, dan motor terawat, menjadikan petualanganmu tak terlupakan!”
– Rental Motor Bandung
Ikutin kita yee
